Најстудено во Берово
Најниска температура во државава изутринава во седум часот е измерена во Берово, минус осум степени, по што следат Струмица, Тетово, Скопје Петровец, Лазарополе, Демир Капија, Битола и Дебар со минус пет, Куманово, Ѓуриште, Гевгелија, Скопје Зајчев Рид, Пожаране и Прилеп со минус четири, и Виница, Штип, Крива Паланка и Тополчани со минус три. Минус два степена се регистрирани во Претор, Маврово, Охрид и Дојран, а нула во Крушево.
Како што соопшти изутринава Управата за хидрометеоролошки работи (УХМР), времето денеска ќе биде умерено, во северните делови значително облачно со услови за провејување на слаб снег на планините. Ќе дува умерен, а на југоисток повремено засилен северозападен ветер. Температурата ќе достигне од 2 до 10 степени.
Во Скопје променливо облачно со умерен северен ветер и температура до 4 степени.
Времето утре ќе биде сончево со мала до умерена облачност и студено. Ќе дува слаб до умерен источен ветер. Утринската температура ќе се движи од -10 до -3, а дневната од 0 до 6 степени.
До понеделник времето ќе биде претежно сончево и студено, со утрински температури кои на места ќе се спуштат и под -10 степени. Од понеделник кон крајот на денот ќе преовладува облачно време со повремени врнежи од дожд и снег.
Ново на Сител
-
ВМРО-ДПМНЕ: Николовски потрошил близу 1 милион денари во ресторани
-
Невладините бараат измени на Законот за младински политики
-
ОПМ: Мерката за ограничување на маржите е корисна
-
Нова опасност за македонските сточари
-
Преглед на вестите од светот
-
Модуларната болница кај Инфективна ќе ја користи затворот Идризово
-
Конструиран младинскиот клуб во Собрание - Пратениците бараат институциите да ги слушнат младите
-
Реинкарнација на текстилното производство во Штип