Најмалку девет лица загинаа по силно невреме што ја зафати источна Австралија
Најмалку девет лица загинаа во силно невреме што ги зафати источните сојузни држави на Австралија за време на божиќните празници, и кое зад себе остави урнати дрвја и далноводи и десетици илјади домаќинства без струја.
Полицијата и спасувачките служби во сојузните држави Викторија и Квинсленд ја потврдија смртта на осум лица, од кои најмладото е деветгодишното девојче кое наводно било однесено во поплавен атмосферски одвод во предградието на Бризбејн, главниот град на Квинсленд.
Седум луѓе загинаа во бура на источниот брег на Австралија, каде што спасувачите продолжија да трагаат по исчезнатите лица, а повеќе од 80.000 домови останаа без струја. Жртвите ги загубија животите во сојузните држави Квинсленд и Викторија, кои од понеделникот се погодени од невреме и силни ветрови што предизвикаа поројни поплави.
Брод со 11 луѓе се преврте во близина на Бризбејн, при што се удавија две лица, соопшти полицијата.
„Изминатите 24 часа беа трагични поради временските услови“, изјави началникот на полицијата во Квинсленд, Катарина Керол. Регионот на Квинсленд и понатаму е изложен на ризик од грмотевици, поплави, град и силен ветер, предупреди австралиската метеоролошка служба.
Ново на Сител
-
ЕУ ќе стационира пожарникари од 12 земји на жариштата на шумските пожари
-
Очевидци: Израелските трупи навлегле подлабоко во Рафа
-
Париз очекува да заработи над 11 милијарди евра од ОИ
-
Истражување: Половина од раселените Украинци изразиле подготвеност да се вратат во земјата
-
ЈОРСМ: Извршен увид и обезбедени траги за вештачење од местото на убиството во Стајковци
-
НАТО функционер за АНА-МПА: Северна Македонија под уставното име влезе во Алијансата
-
17-годишно момче исчезна од установа за згрижување деца во Карпош
-
OpenAI ja претстави најновата верзија на својот чатбот – ChatGPT-4o