Најмалку 22 војници и цивили загинаа во два инцидента на северот од Авганистан
Најмалку 22 припадници на безбедносните сили и цивили се убиени во два одделни инцидента во северните авганистански провинции Кундуз и Баглан, денеска соопштија официјалните претставници.
ДПА пренесува дека талибанските милитанти зазеле воена база во округот Имам Сахиб, во Кундуз, при што во нападот загинале најмалку 15 војници, изјави членот на провинцискиот совет, Аминула Ајдин.
Друг советник, Сафиулах Амири, кажа дека во нападот биле убиени 17 лица. Двајцата официјални лица потврдија дека уште 13 лица биле повредени во инцидентот.
Во меѓувреме, во воздушен напад на периферијата на главниот град на провинцијата Баглан, Пул-е Кумри, загинале седуммина цивили, вклучувајќи и шест деца, изјави пратеникот Асадула Шахбаз и член на провинцискиот совет, Шамсулхак Баракзаи.
Не е познато кој ги извел воздушните напади, велат официјалните претставници.
Бранот насилство низ целата земја резултира со жртви речиси на секојдневна основа и покрај тековните разговори за изнаоѓање политичко решение на кризата во земјата, наведува ДПА.
Ново на Сител
-
Вербални закани кон претседателката на Уставниот суд Добрила Кацарска, случајот пријавен во полиција
-
Едно лице почина, а друго се бори за живот по повреди добиени во лифт во угостителски објект во Штип
-
Стара експлозивна направа пронајдена во двор во делчевското село Вирче
-
Баер го победи Аугсбург и ја заврши сезоната во Бундеслигата без пораз
-
Маж од Валандово најден починат дома, ќе се прави обдукција
-
Кривична пријава против градоначалник поради противзаконито располагање со буџетски средства
-
Фоден играч на сезоната во Премиер лигата
-
Убиство и самоубиство во Бјеловар, Хрватска