Најмалку 22 исчезнати при уривање на мост во Индија (ДПЛ)
Најмалку 22 лица се водат како исчезнати откако два автобуса со повеќе десетици патници и неколку автомобили паднаа во водите на надојдената река Савитра, при уривање на дел од стар мост на автопатот Мумбај-Гоа во Индија, јави ДПА.
Како што соопшти претставникот на локалната полиција Санџај Наик, несреќата се случила во округот Рајдаг во индиската сојузна држава Махараштра, на околу 170 километри јужно од Мумбај.
Шефот на индиската Национална служба за вонредни состојби О.П. Синг, претходни ијзави дека веднаш по пријавата за несреќата на место на настанот се упатиле околу 80 спасувачи, вклучувајќи и нуркачи.
- Но, силниот дожд ја попречува спасувачката операција, изјави Синг.
Како што јави индиската телевизија НДТВ, мостот што се урнал бил изграден „уште во времето кога Индија беше британска колонија“. Индија стекна незавиосност од Велика Британија во 1947 година.
Ново на Сител
-
Поплавени куќи и улици во Тетово
-
Од детство во војна до пензија во независна држава | Атанас Костовски | Sitel Podcast 061
-
ЦУК: Можни излевања и проблеми во градовите ако има поројни дождови
-
Кривичен: Oдложени следните две рочишта за случајот со убиствата на Вања и Панче
-
Муниција и експлозив пронајдени во дом во Козле, поведена истрага против едно лице
-
Премиера на филмот што го однесе Алек Болдвин на судење за убиство
-
Кривична пријава против шест затворски полицајци за „овозможување бегство на лице лишено од слобода“
-
Поплави ширум Црна Гора