Над милион лица потпишаа петиција против посетата на Трамп во Велика Британија
Над милион лица потпишаа петиција со која ја повикуваат Велика Британија да ја повлече поканата за американскиот претседател Доналд Трамп да ја посети Велика Британија и да присуствува на вечерата со кралицата Елизабета Втора.
Петицијата, што досега собра над милион потписи, е започната пред британскиот премиер Тереза Меј да го повика Трамп во „државна посета“, што значи дека тој би дошол на повик на британската кралица.
Меѓутоа, кампањата за спречување на посетата на Трамп во Велика Британија доби на интензитет откако американскиот претседател ја потпиша уредбата за забрана на влез во САД на државјаните од седум муслимански земји.
- На Доналд Трамп треба да му биде дозволен влез во Велика Британија во својство на шеф на држава, но не би требало да биде повикан во официјална државна посета, бидејќи тоа би претставувало срам за нејзиното кралско височество, се наведува во петицијата.
Трамп би требало да ја посети Велика Британија подоцна оваа година.
Британските медиуми потсетуваат дека кога некоја петиција е потпишана од повеќе од 100.000 луѓе, пратениците мора да ја разгледаат.
Пратениците на владејачката Конзервативна партија и опозициската Лабуристичка партија ја критикуваа одлуката на Трамп, а лидерот на Лабуристичката партија Џереми Корбин порача дека државната посета на Трамп треба да се „стави на чекање“.
Ново на Сител
-
Три млади лица загинаа во сообраќајна несреќа на патот Гњилане - Приштина
-
Деветнаесетгодишно момче е рането во синоќешното пукање во Чаир
-
Пронајдена дрога при претрес во Кавадарци
-
Тешко повредени двајца малолетници во сообраќајка со мопеди
-
Флорида прогласи вонредна состојба во 35 окрузи поради заканата од тропската бура Милтон
-
Стармер изрази загриженост поради „одвратната омраза“ кон Евреите и муслиманите од 7 октомври 2023
-
Попко: Украинската ПВО одби нов напад на руските дронови врз Киев
-
Димитриеска-Кочоска: Ги консолидиравме и стабилизиравме јавните финансии, потврда добивме и од „Фич“