Над 50 отсто зголемен сообраќајот во Атина на првиот ден од строгите рестрикции споредено со ланскиот карантин
Во текот на вчерашниот ден, прв од строгиот карантин воведен во областа Атика, поширокиот регион на Атина, имало од 50 до 100 отсто поголем сообраќај, споредбено со првиот ден од рестрикциите, од речиси идентичен вид, во март минатата година за време на првиот бран од пандемијата, јави дописничката на МИА од Атина.
Според податоците од Периферијата Атика и Центарот за управување со сообраќај на одредени булевари сообраќајот бил и за над 100 проценти поголем споредбено со претходниот карантин.
На три од најфреквентните сообраќајници во Атина, сообраќајот бил од 87,9 до 109,6 проценти поголем од оној на 23 март 2020 година, кога за првпат се воведе карантин во Грција.
– Тековните проценти регистрирани од Центарот за управување со сообраќај на периферијата Атика се импресивни и предизвикуваат загриженост, бидејќи ги споредуваме податоците за сообраќајот за време на два карантини од приближно ист тип, вели префектот на периферијата Атика Јоргос Патулис.
Вчерашните податоци, покажале и намалување за седум отсто на сообраќајот во споредба со средата, односно ден пред да стапат во сила новите рестрикции.
Ново на Сител
-
Обработени 93,30% од гласовите - ВМРО-ДПМНЕ 59, СДСМ 18, Левица 6, ЗНАМ 5 мандати
-
Мицкоски: Поразен е бојкотот на ДУИ, време е да одат со СДСМ во опозиција
-
ДИК: Обработени 90,40% од гласовите - ВМРО-ДПМНЕ 390.345, СДСМ 136.748
-
Ковачевски: На СДСМ му е зададен тежок удар
-
ДИК: Силјановска Давкова со повеќе од двојна предност пред Пендаровски
-
Димитриевски: Повеќе нема да живееме во црно-сив свет, честитам на Силјановска Давкова и ВМРО-ДПМНЕ
-
Силјановска Давкова: Наградата е непроценлива за мене
-
Обработени 82,38% од гласовите - ВМРО-ДПМНЕ 59 мандати, СДСМ 18, Левица 6, ЗНАМ 5 мандати