На породилно ќе одат и татковците
Освен деветмесечното породилно отсуство за мајките – и татковците ќе добијат зелено светло да не доаѓаат на работа веднаш штом добијат принова во семејството. До крајот на годината, во Собранието ќе се дискутира Законот за работни односи со изменет текст и кој пратениците ќе можат да го изгласаат. Сегашните правила не му дозволуваат на таткото да отсуствува од работа, а по измените ќе може да искористи еден месец слободен.
Како што се уредени Законите моментално, таткото има право да земе родителско отсуство, но само ако мајката се откаже од користење на деветте месеци кои и следуваат. Невладините организации се ангажирале и истражувале како овие работи функционираат во странство и како таму се уредени работните односи. Запишале дека во изминатите 20 години постојано се менуваат правилата во другите држави и така се намалува родовата нееднаквост. Активистите затропале на вратата на Труд и социјала за веднаш да им го посочат тоа.
Во Македонија и порано имало обиди да се изменат законите и нормите и да им се дозволи и на татковците да можат да се грижат за децата уште од нивното раѓање. Но, тоа никогаш не се остварило. За да има кој да се грижи за детето, мајката е приморана да не оди на работа.
Моментално Законите гарантираат дека на жената и следува деветмесечно породилно отсуство. Работниците кои користат отсуство поради бременост, раѓање или родителство имаат право на надоместок на плата. Дополнително, жените имаат право на користење неплатено родителско отсуство до три месеци. Тоа можат да го искористат додека детето да наполни три години.
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп