На градските гробишта во Велес погребана Љупка Мијакова Буба, доајенот на велешкото радио спикерство
На градските гробишта во црквата „Св, Пантелејмон“ во Велес попладнево беше погребана Љупка Мијакова Буба доајенот на велешкото радио спикерство. Таа почина вчера по кратко боледување на 76 годишна возраст. Љупка Мијакова Буба моминско Прличкова, доајен на велешкото радио спикерство и една од двете препознатливи спикерки на поранешното Радио Велес. Таа беше препознатлива по авизото „зборува Радио Титов Велес“ кое цели 35 години велешани го слушаа на програмата на Радио Титов Велес подоцна Радио Велес, каде таа работеше од 1960, една година по неговото отворање во 1959 година па се до нејзиното пензионирање во 1996 година. Но и по пензионирањето учествуваше во повеќе радио проекти.
Таа беше еден од учителите на младите велешки спикери и новинари и ги учеше на правилна дикција и читање на зборовите и речениците. Освен во Радиовесникот таа учествуваше и читаше во најразновидни емисии, како и стихови во емисии на Радио Велес и од културата а посебно стихови меѓу кои и од Рациновите „Бели Мугри“. Инаку богата архива на Радио Велес меѓу кои и аудиоснимки со гласот на Љупка Мијакова Буба по неговото затворање во 2010 година се чува во Архивот на Велес.
На натпреварите на Деновите на македонското радио меѓу 29-те локални радиостаници од земјава, таа има освоени бројни први награди и признанија.
Велешани, а и жителите на поширокиот велешки регион и од уште неколку населени места од Повардарјето до каде сè допираше гласот на Радио Велес ќе ја паметат по нејзиниот препознатлив специфичен продорен и милозвучен глас.
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп