МВР во две акции заплени 143 килограми марихуана
Во две одвоени акции на МВР полицијата вчера заплени 143 килограми марихуана.
Директорот на Бирото за јавна безбедност (БЈБ) Лазе Велковски денеска на прес-конференција информираше дека во првата акција запленети се 55 килограми марихуана која на нарко пазарот е со вредност од 150 илјади евра и дека се лишени од слобода седум лица, од кои шест македонски државјани и едно лице од Албанија.
Дрогата била запленета во близина на Маврови Анови на патниот правец Дебар – Гостивар.
Како што појасни директорот, во акцијата лишени се и четири лица од Студеничани кои со две патнички моторни возила „ауди“ и „БМВ“ ја превезле марихуаната од Дебар и требало да ја транспортираат до Солун. Веднаш потоа уапсен е и Албанецот кој на нелегален премин ја внел дрогата во државава. Полицијата ги лишила од слобода уште двајца македонски државјани кои ја презеле дрогата од Албанецот и ја предале на лицата од Студеничани.
Во вториот случај на граничниот премин Деве Баир при преглед на товарно возило полицијата запленила 88 килограми марихуана спакувана во најлонски фолии во внатрешноста на приколката. Во акцијата полицијата го лишила од слобода возачот кој е албански државјанин.
Директорот на БЈБ Велковски информираше дека по целосно документирање на случаите против сите лица ќе бидат поднесени пријави.
Ново на Сител
-
Владата го усвои предлогот за разрешување на обвинителот Коцевски
-
Влада ги отфрли доказите на СДСМ за работењето на Меџити - немало злоупотреба на положбата
-
Европратеник Вајц: И покрај Украина, проширувањето е висок приротитет на ЕУ
-
Македонија во Обединетите нации гласаше усогласено со ставот на САД
-
Маркетите ќе мораат да ги објавуваат цените на сите производи и на интернет
-
Што прави партизацијата и политизацијата на здравствениот систем?
-
Лекарската комора одбележува 20 години од почетокот на издавање на лиценци за работа на докторите
-
Надзорна расправа за аерозагадувањето – системот без механизам за заштита