Москва им забрани влез во Русија на воени функционери од ЕУ

Русија денеска соопшти дека вовела санкции за одреден број граѓани на Европската унија како одговор на „непријателската антируска политика на Западот“.  Руското Министерство за одбрана соопшти дека забранува влез на голем број европски воени функционери, високи офицери за безбедност, како и претставници на компании за продажба на оружје.

Меѓу санкционираните има вработени во компании кои ја снабдуваат Украина со оружје.  Министерството не ги наведе имињата на лицата на кои им е забранет влез во Русија.  Москва претходно воведе санкции за голем број западноевропски политичари.