Могерини и Јахјага го истакнаа значењето на продолжувањето на дијалогот
Високиот претставник на ЕУ Федерика Могерини и косовската претседателка Атифете Јахјага разговараа денеска во Брисел за актуелната политичка ситуација во Косово, согласувајќи се кога станува збор за значењето на продолжувањето на дијалогот Белград и Приштина и примена на веќе постигнатите договори.
Јахјага оваа недела го завршува петгодишниот мандат како косовска претседателка, а таа и Могерини ги сумираа резултатите од соработката, истакнувајќи го посебно стапувањето во сила на Договорот за стабилизација и асоцијација на 1 април.
Неа на таа позиција ќе ја наследи актуелниот заменик премиер и косовски министер за надворешни работи Хашим Тачи.
Тие разговараа и за потребата од посилна соработка меѓу ЕУ и регионот, за да се излезе на крај со заедничките предизвици, како што се економскиот развој и безбедносната ситуација, вклучувајќи ја и борбата против радикализацијата, се наведува во соопштението на Службата за надворешни работи на ЕУ.
Ново на Сител
-
ИК на ВМРО-ДПМНЕ вечерва дискутира за предлог-кандидатите за градоначалници за локалните избори
-
Мицкоски: Македонија во силно сојузништво со Обединетото Кралство, промените се случуваат
-
Платини го брани Мбапе: Не го терајте да игра како Меси
-
Започнува продажбата на билети за Македонија - Белгија
-
Јунајтед исвиркан во Куала Лумпур, Аморим вели тоа може да биде корисно
-
Николоски по ратификацијата на договорот: Ќе ја направиме Македонија подобро место за живеење
-
Трамп вели дека го предупредил Нетанјаху да не го напаѓа Иран
-
Малолетник приведен за пет тешки кражби