Младата репрезентација стартуваше со „операцијата“ Шкотска

Младата репрезентација на Македонија на 11. Октомври ја очекува клучниот меч со Шкотска за пласман на ЕП во Полска.  Селекторот Благоја Милевски  има доволно време да го подготви тимот за големиот предизвик за што е подготвена и  соодветна програма

Според Милевски проблем е повредата на  Енис Барди чија состојба ќе се знае во петок а на листата на повредените по викенд колото во Србија  е и дефанзивецот Амановиќ.  Во текот на денот се очекува и пристигнувањето на Давид Бабунски.  Селекторот и неговите пулени се свесни за големата  шанса на оваа генерација и не сакаат во ниту еден момент да ја потценат подмладената селекција на Шкотска. 

„ Имаат нов селектор и  9 нови играчи но според искуството и квалитетот мислам дека се за нијанса подобра селекција од онаа што настапи против нас во Единбург“-изјави Милевски

Натпреварот со Шкотска се игра на 11. Октомври а на 5. Октомври шкотите му гостуваат на главниот конкурент за првото место  Исланд.