Млад германски фудбалер се бори за живот по тепачка на меѓународен турнир
Полицијата во Франкфурт соопшти денеска дека 15-годишен фудбалер од Берлин е хоспитализиран со повреди на мозокот опасни по живот, откако бил удрен од противнички играч по завршување на натпревар во рамки на меѓународен младински турнир.
Обвинет за нападот е 16-годишен фудбалер од француски тим и тој е во притвор додека се чека одлука на судот.
Полицијата соопшти дека инцидентот се случил по завршувањето на меѓународен натпревар во младинска конкуренција одигран во неделата во Франкфурт.
„Жртвата била удрена со тупаница во пределот на главата или врата и паднала. Итна медицинска помош му била укажана на самото место по што е пренесен во болница“, се наведува во полициското соопштение.
Полицијата побара помош од сведоци кои располагаат со видеоснимки од инцидентот.
Ново на Сител
-
Бајден разговараше со Нетанјаху и ја повтори загриженоста на Америка поради инвазијата врз Рафа
-
Три лица во Прилеп истепале 20-годишник
-
Скопјанец нападнат од маж и жена во автобус
-
Малолетник избоден во Куманово
-
Од среда до викендот нестабилно со пороен дожд и грмежи
-
Мицкоски и Таравари разговарале за принципите за идно коалицирање и заедничка соработка
-
Уапсени во Косово маж и жена, руски државјани, влегле од Србија без визи
-
Зеленски до Парламентот поднесе предлог-закон за продолжување на мобилизацијата