Митева: Граѓаните ја плаќаат преку Буџетот неспособноста на СДСМ
Кризата со снабдување со топлинска енергија е четвртата криза која е реалност заради лошото владеење на СДСМ. Граѓаните се соочуваат со поскапи сметки за парно греење и струја затоа што власта е неспособна да изнајде решение. Неспособноста на СДСМ сега граѓаните ја плаќаат преку буџетот. Снабдувањето со електрична и топлинска енергија е доказ дека економскиот и енергетскиот тим на СДСМ нема идеја и нема план како да се справи со кризите кои сами ги создадоа.
Граѓаните од овој месец ќе плаќаат по 500 до 800 денари повеќе за струја и парно засебно. Тоа се 1000 до 1600 денари зголемен трошок само за овие две работи по домаќинство. Инфлацијата веќе неколку месеци го јаде буџетот на граѓаните. Цената на парното греење ја одредуваат вршителите на јавни услуги - снабдување со топлинска енергија, а цената ја регулира РКЕ, додека владата е единствен субјект кој што може да влијае снабдувачите да добијат поевтин гас. Но СДСМ не е способна пред се да предвиди каков ценовен шок ја очекува Македонија со енергенс како гасот, а дури потоа да предвиди кои мерки се оправдани за неутрализирање на кризата. Ваквата неспособност на СДСМ секојдневно го намалува стандардот на народот.
Поради недомаќинското работење на власта сме на раб да останеме без топлинска енергија. Доколку навреме се справуваа со енергетската и топлинската криза и ако владата работеше одговорно, ваков ценовен шок граѓаните немаше да доживеат.
Почитувани, повторно прашуваме:
Зошто Владата дозволи да се прогласи кризна состојба со снабдување на топлинска енергија кога цената на гасот како енергенс може да се предвиди? Зошто Владата на СДСМ не успеа да обезбеди гас по ниска цена како што тоа го направија и останатите земји од регионот и светот? СДСМ е должна да одговори и да понесе одговорност затоа што по зголемената струја за 15% и зголемената цена на парното за 14% истото е на штета на граѓаните и Владата залудно манипулира дека успешно се справила со предизвиците кои всушност истата оваа влада ги создаде.
Центар за комуникации на ВМРО-ДПМНЕ
Ново на Сител
-
АМСМ: Од денеска до 31 август забрана за движење на тешки товарни возила при екстремно високи температури
-
Таравари: Работиме на решение за компресоприте во хируршките сали
-
УХМР: Утре нестабилно време со пороен дожд, грмежи и град
-
Владата планира разузнавачките служби да функционираат во една агенција
-
Македонскиот амбасадор во Албанија на средба со министерот Муцунски по објавените податоци од пописот
-
МВР: Приведени 19 лица на фестивал во Дојран, кај нив била пронајдена дрога
-
Мицкоски: На господинот Филипче му посакувам успешна работа, да бидат конструктивна опозиција | ВИДЕО
-
Високи претставници на демократите во САД отфрлаат засега можност за замена на Бајден поради повиците тој да се откаже од трката за претседател