Министерот Чулев во посета на полициските службеници на пунктовите во Скопје
По повод големиот христијански празник Велигден, министерот за внатрешни работи Наќе Чулев придружуван од раководството на СВР Скопје синоќа ги посети колегите, распоредени на полициските пунктови во неколку скопски населби во општините Гази Баба, Зелениково и Кисела Вода.
На полициските службеници од православна вероисповед министерот Чулев ѝм го честиташе големиот христијански празник Велигден, а на останатите колеги им посака мирна работна вечер.
Од страна на полициските службеници, соопшти денеска МВР, Чулев бил информиран дека изминатата вечер на улиците на главниот град било мирно и без посериозно прекршување на Законот, а граѓаните на Скопје ги почитуваат мерките за ограничување на движењето кои се донесени од страна на Владата.
Министерот Чулев им се заблагодари на сите граѓани за високата свесност за улогата на секој поединец во борбата со невидливиот непријател што во овие важни моменти за сите нас, како што рекол, ја покажуваат на дело.
– На овој голем празник Велигден посакувам емпатијата, меѓусебната поддршка, почитувањето и разбирањето да бидат наши водилки во периодот што следи, истакнал Чулев при посетата.
Ново на Сител
-
На ГП Табановце за влез и излез од државата се чека по околу половина час
-
Зеќирија Ибрахими е нов претседател на Алтернатива избран на вонредниот конгрес во Куманово
-
Кратово блесна во полн сјај на првата фестивалска вечер од ЗЛАТНИ ДЕНОВИ КРАТОВО 2024 | ФОТО
-
МВР го барала да го уапси, а тој пробал да лета преку аеродромот во Скопје
-
Повреден германски параглајдерист - Летал над Крушево
-
ДКСК: Го следиме именувањето на в.д. директори во државните институции, ќе реагираме ако има неправилности
-
Даути избрана за генерален, а Јајага за организациски секретар на АА
-
Следува период на многу топло време со температури до 40 степени