Мицотакис: Нашата цел е да го достигнеме европскиот просек на кревети на интензивна нега
Мојата цел, од прв момент беше да го достигнеме европскиот просек за места на Одделенијата за интензивна нега и ќе го достигнеме, а оваа наша обврска до крајот на годината ќе ја исполниме и ќе имаме околу 11 до 12 кревети на интензивна нега на 100.000 жители. Но, тоа не можевме да го постигнеме сами, рече грчкиот премиер Кирјакос Мицотакис за време на настанот во рамките на меѓународната иницијатива на Фондацијата „Ставрос Ниархос“ за Ковид-19.
Фондацијата донираше 15 милиони евра што ќе се искористат за 174 најсовремени кревети за интензивна нега во 15 државни болници низ цела Грција, најголемиот дел од нив во областа Атика и на островите.
Донацијата опфаќа и планирање, изградба, реконструкција или реновирање на објектите каде што ќе бидат поставени новите кревети, а грчкиот здравствен систем ќе се зајакне со модерна инфраструктура со вкупна површина од 8.000 метри квадратни. За опремата и персоналот ќе биде задолжена државата, а целиот проект се очекува да заврши за шест месеци.
На почетокот на годинава Грција имала 565 легла на Одделенијата за интензивна нега, помалку од шест на 100.000 жители, додека пак сега, речиси се двојно зголемени, односно земјата располага со 1.017 кревети.
Ново на Сител
-
Македонските фудбалерки со бод од гостувањето во Летонија ја завршија Лигата на нации
-
Гостиварчанец ја нападнал својата вонбрачна сопруга со метален предмет, а потоа ја силувал
-
Уапсен прилепчанец, криумчарел 13 кг тутун и текстил
-
Од актерство се живее ако многу се трудиш | Антонио Ташковски | ПРОфесија | Sitel Podcast 096
-
Утре без вода Чаир, Топанско Поле, Автокоманда, Железара, Бутел и Визбегово
-
Возачот кој со автомобил удри во толпа навивачи на Ливерпул останува во притвор
-
Трамп: Кина не го почитува договорот за царините
-
Јаневска очекува државна матура без проблеми, упати пораки до учениците и до тестаторите