Мета: Моето разрешување e политичко прашање, воопшто не сум вознемирен
Уставниот суд на Албанија на 14. месецов треба да ја испита уставноста на одлуката на Парламентот за разрешување на шефот на државата Илир Мета, јави дописничката на МИА од Тирана.
Од Поградец, каде што денеска престојуваше, претседателот Мета одговарајќи на новинарско прашање рече дека неговото разрешување е политичко и оти тој воопшто не е вознемирен. – Јас сум смирен, тое е политичко прашање. Ќе продолжам доследно и со голема одговорност да работам, во согласност со уставните надлежности и во интерес на народот и државата до 24 јули 2022 година. Кога ќе ми заврши мандатот ќе продолжам да бидам активен во албанската политика, рече Мета.
Тој додаде дека е многу горд на целата своја активност во одбрана на Уставот на Република Албанија, која, според него, била нападната на најнепријателски и најпредавнички начин од надворешни и внатрешни фактори „за да ја имаме денес Албанија во една воопшто непосакувана ситуација, исто така и во однос на евроинтеграциските процеси“. – Собранието требаше да ги отвори преговорите на време, доколку беа земени предвид предлозите и напорите на Претседателот низ годините за надминување на добро структуираните кризи, нелегалните локални избори, така и по заробувањето на Уставниот суд на криминален начин, како што потврди и самата Венецијанска комисија претходно, рече Мета. Претходниот состав на албанскиот законодавен дом Мета го разреши на 9 јуни годинава, со 104 гласа „за“, седум против и три воздржани, што е прв случај во тридеценискиот плурализам во земјата
Ново на Сител
-
МЗ: Хируршките сали во Клиничкиот центар се враќаат во употреба
-
ЦУК: Околу Качаничка Клисура и Скопска Црна Гора значително нестабилна облачна маса
-
Во Кочани измамена 75-годишна жена за сума од околу 4.000 евра
-
Определен 30-дневен притвор за врховниот судија Наке Георгиев
-
Драма на автобуска постојка во Центар: Неколку лица претепале и ограбиле четири малолетници
-
Организациската директорка на Токсикологија тврди дека клиниката има потреба од 18-те спорни вработувања
-
Пуштен во употреба нов патен правец меѓу Албанија и Косово
-
Палевски спроведен пред судија на претходна постапка