Меси подготвен за полуфиналето со Канада на Копа
Капитенот на аргентинската фудбалска репрезентација Лионел Меси ќе биде подготвен за вечерашното полуфинале на Копа Америка против Канада во Њу Џерси, изјави селекторот на репрезентацијата Лионел Скалони.
Меси се врати на теренот во четвртфиналето против Еквадор, откако го пропушти последниот натпревар од групната фаза поради повреда. Тој го одигра целиот натпревар, но изгледаше дека не е подготвен физички.
Триесет и седум годишната ѕвезда на Интер Мајами промаши пенал за време на настапите на стадионот Хјустон.
-Лео е добро, па ќе биде дел од натпреварот, ние сме мирни околу тоа, изјави Скалони на својата прес-конференција во понеделникот. Неговото ниво, продолжи селекторот, е добро, тој е клучен играч за нас.
Аргентина и Канада ќе се сретнат по втор пат на турнирот по воведниот меч во групата А, кој го добија светските шампиони со 2-0.
Сепак, Скалони најави дека овој пат тој и канадскиот тренер Џеси Марш ќе бараат „нешто различно“.
-Сите тренери се обидуваат да ги поправат грешките и да го повредат противникот, изјави 46-годишниот стручњакот. Секој мора да направи нешто различно. Ќе се обидеме да ја задржиме топката и да ги спречиме да играат во нивен стил, додаде Скалони.
Во меѓувреме, четвртфиналето на Аргентина против Еквадор, добиено на пенали, беше најгледаниот фудбалски натпревар на Копа Америка во историјата на Фокс спортс со 1,87 милиони гледачи во САД. Тоа е 482% повеќе гледачи од четвртфиналето на Копа Америка во 2021 година.
Ново на Сител
-
ДПИ од денеска ќе ги казнува трговците кои не ги намалиле маржите
-
Уставниот суд расправа по иницијатива за постапувањето на телекомуникациските оператори со податоците за претплатниците
-
Се обидел со нож да нападне полицајци, кривична за дебранец
-
Одложено повтореното судење за модуларната болница
-
Македонски државјанин пронајден мртов во Бремен
-
Алкараз избори учество на Завршниот АТП турнир
-
Варан одлучи да се пензионира
-
Бесија Иљази обвинета за злоупотреба на службена положба