Меркел: Сакаа да го замолкнат Навални

Германската канцеларка Ангела Меркел денеска изјави дека некој сакал да го замолкне лидерот на руската опозиција, Алексеј Навални, кој е во кома во болница во Берлин.

Германската Влада претходно денеска соопшти дека, врз основа на крвните тестови на Навални, има непобитни докази дека тој бил отруен од нервниот агенс „Новичок“.

На прес-конференција во Берлин Меркел кажа дека за неа е  зачудувачка вест обидот за убиство со труење на Навални.

-Алексеј Навални стана жртва на напад со нервниот агенс „Новичок“. Во неговите примероци од тестот е потврдено  присуството на овој отров и тоа е надвор од какво било сомнение, рече денеска Меркел.

Таа додаде дека е утврдено дека Навални е жртва на злосторство, пренесе Тасс.