Маричиќ: Верувам дека е можен политички договор за изборниот законик
Министерот за правда Бојан Маричиќ на конференцијата за „Изборни реформи во Македонија“ истакна по иницијатива на Министерството за правда сите засегнатите страни седнаа на заедничка маса со цел да се најде модел по кој ќе се направи промената на Изборниот законик. Според него со тоа се дава дополнителна вредност за демократијата и демократските процеси во земјата.
-До сега се одржаа и неколку состаноци и со претставниците на политичките партии, на кои се дебатираше за начинот и динамиката на промена на изборниот модел. Лично сум задоволен што најдовме заеднички јазик, односно сме многу блиску до договор за имплементација на препораките на ОБСЕ и ОДИХР. Сепак, сега останува потешкиот дел, а тоа е конечен договор за самиот изборен модел - потенцираше министерот Маричиќ
Според него генерално меѓу сите политички партии има согласност за промена на изборниот модел, но останува предизвик да се разговара за начинот на кој градоначалниците ќе го освојуваат мандатот. Односно дали тоа ќе се направи во прв или пак треба да има и втор круг.
Министерот верува дека партиите ќе продолжат и наредниот период уште поинтензивно и конструктивно да разговараат за ова прашање, бидејќи е од особено значење за државата, но првенствено за самите граѓани.
Ново на Сител
-
Почна расправа за струјата
-
Од министерска во директорска фотелја – Фатмир Меџити е нов директор на Клиниката за неврологија
-
Клиниките во Скопје и Штип ќе ги лечиме на арбитража во Париз
-
На секоја втора фирма лани и било барано мито, сумите одат и до 100 илјади евра
-
Државата им плаќа да студираат на престижни универзитети, ама не го користи нивниот потенцијал
-
ЕУ очекува уставни измени и почитување на Преспанскиот договор од новата Влада
-
Ибраимовски демантира дека им се заканувал по живот на уставните судии
-
Камбовски: Распуштање на Судски не е опција