Маричиќ: Очекуваме да се потврди вториот мандат на претседателот Пендаровски
Првиот вицепремиер за европски прашања Бојан Маричиќ и секретар за меѓународна соработка на СДСМ очекува во вториот круг од претседателските избори да се потврди вториот мандат на актуелниот претседател Стево Пендаровски.
Маричиќ денеска по потпишувањето за кандидатурата на Пендаровски, кој за неколку часа ги собра потребните 10 000 потписи, изјави дека е задоволен од одѕивот и поддршката од граѓаните. Најави дека СДСМ вечер на Конгрес ќе ја официјализира поддршката за Пендаровски.
-За само неколку часа, за не повеќе од пет часа, беа собрани над потребните 10.000 потписи за претседателот Стево Пендаровски да го добие неговиот втор мандат и вечерва тоа ќе го потврдиме на конвенцијата, конгрсот на СДСМ, на којшто ќе биде дадена и официјално поддршката за претседателот Пендаровски и неговиот втор мандат. Задоволни сме и со одѕивот и со поддршката од граѓаните и очекуваме во тој позитивен дух и со таа силна енергија да продолжи кампањата се до 24 април во првиот круг и 8 мај во вториот круг кога очекуваме да се потврди вториот мандат на претседателот Пендаровски, изјави Маричиќ.
Конгресот на СДСМ ќе се одржи вечер со почеток во 18 часот. По завршување на работниот, затворен дел, Конгресот ќе биде отворен за јавноста и ќе се обрати кандидатот за претседател на државата.
Ново на Сител
-
Поплави во Унгарија, Будимпешта под вода
-
Најмалку 13 цивили загинаа во израелски воздушен напад врз училиште во Газа
-
Специјална акција на грчката полиција во ромска населба во Атина, уапсени 12 лица
-
Следните два дена сончево, во вторник и среда дожд и грмежи
-
Николоски во Будимпешта ги презентираше капиталните инфраструктурни проекти пред министрите за транспорт на земјите од ЕУ
-
Одбележани 80 години од загинувањето на 17 тетовски партизани во мавровското село Беличица и стрелањето на двајца во Тетово
-
Израелски претставник пред Советот за безбедност на ОН: Израел ќе се брани
-
Три лица, меѓу кои и едно дете, загинаа во руски ракетен напад во Криви Рих