Манчестер Сити објави големи промени во штабот на Гвардиола
Манчестер Сити објави дека заминуваат помошниците тренери во првиот тим, Хуанма Лиљо, Иниго Домингез и Карлос Висенс, како дел од големата реконструкција на штабот на клубот.
Лиљо и Домингез ќе го напуштат „Етихад“ кога ќе им истечат договорите за неколку недели, додека Висенс побара сам да си замине, откако беше назначен за главен тренер на португалскиот тим Брага, заменувајќи го Карлос Карвахал.
Клубот соопшти дека Лиљо - кој првпат пристигна како втор тренер на Гвардиола во 2020 година - „изразил желба да се врати дома во Шпанија“. Ова е негово второ заминување, откако се приклучи на Ал Сад во Катар во 2022 година како асистент, но се врати во Манчестер една година подоцна.
Домингез му се придружи на Гвардиола во 2023 година, кога започна вториот престој на Лиљо. Висенс е во клубот од 2017 година, го освои ФА Купот со екипата до 18 години, а е асистент во првиот тим од 2021 година.
Сити исто така соопшти дека „замените на тројцата ќе бидат објавени навреме, откако ќе завршат преговорите“, додавајќи: „Сите во Манчестер Сити би сакале да им посакаат на Хуанма, Иниго и Карлос се најдобро и да им се заблагодарат за нивниот придонес во еден исклучително успешен период за клубот“.
Екипата на Гвардиола ја заврши оваа сезона без голем трофеј за прв пат по осум години, но обезбеди пласман во Лигата на шампионите завршувајќи трет зад шампионите на Премиер лигата Ливерпул и Арсенал, кои беа единствените што се обидуваа да го освојат првото место.
Значи, за Светското клупско првенство, менаџерот на тимот на „граѓаните“ до 21 година, Бен Вилкинсон, сигурно ќе се приклучи на штабот на Пеп Гвардиола.
Ново на Сител
-
Чешкиот „Блек хок“ се очекува да полета кон планината Готен, пристигнаа и словенечките пожарникари
-
Македонци во Тајван, сведочат за предупредувањето и опасноста од цунами по земјотресот на Камчатка
-
Кривична за управител за одгледување на канабис за медицински цели, одземени еден килограм и 260 грама марихуана
-
Економско-социјалниот совет треба да одржи седница, се очекува да се разговара за инфлацијата и порастот на платите
-
Уапсен поранешниот НБА кошаркар Морис, обвинет е за измама
-
Без вода неколку улици во Скопје
-
Почнува изградбата на „Меморијален парк за жртвите од пожарот во модуларната болница - Тетово“
-
Тројца украински војници загинаа, а 18 се ранети во руски напад врз единица за обука