Македонија се најде помеѓу 36-те најбезбедни земји во светот

Македонија се најде на 36-то место на листата најбезбедни држави во светот, според Институтот за економија и мир кој секоја година прави листа на најбезбедни и најмирољубиви држави во светот. 

Со оваа позиција Македонија бележи скок од четири позиции во споредба со минатата година и е најдобро рангирана во поблискиот регион на Западен Балкан, а пред нас се само Словенија и Хрватска. Според т.н. светски индекс на мир почнувајќи од 2017 година кога Македонија беше на 103 место земјава од година во година бележи напредок на листата.

За најбезбедни држави во светот се сметаат Исланд и Нов Зеланд, а на последните 3 места на оваа листа од 163 држави како најнебезбедни се Сирија, Јемен и Авганистан.