Македонија ја посетиле над 50.000 туристи во ноември
Зголемување на бројот на туристи и ноќевања во ноември регистрираше Државниот завод за статистика.
Според податоците што денеска ги објави на својата веб страница, ДЗС наведува дека во ноември Македонија ја посетиле 50.869 туристи што е зголемување за 15,2 проценти во споредба со истиот месец во 2016 година. Зголемување за 18,1 процент има и кај бројот на ноќевањата кои во ноември изнесувале 115.749.
Подрастично зголемување има кај бројот на странски туристи, односно во ноември нивниот број е зголемен за 24,5 проценти во однос на ноември 2016 година, а бројот на домашни туристи е зголемен за 1,3 проценти. Следствено на тоа, поголемо зголемување има и кај ноќевањата на странските туристи, отколку кај ноќевањата на домашните туристи.
Во периодот јануари-ноември лани во однос на истиот период во 2016 година, бројот на туристи е зголемен за 16,3 проценти и тоа кај домашните туристи има зголемување за 5,7 отсто, а кај странските за 23,5 отсто. Кај ноќевањата е забележано зголемување од 12,2 отсто и тоа кај домашните туристи има зголемување за 4,6 проценти, а кај странските за 22,6 проценти.
Ново на Сител
-
Преглед на вестите од светот
-
Кадровски промени и во комисијата со Грција - Претседателот Габер бил на разговори во МНР
-
Тема на денот со професор Ненад Марковиќ
-
На Палевски и соизвршителите ќе им се суди заедно, одлучи Судот - Денешното рочиште е одложено
-
Тешка битка со огнот
-
Камен темелник за фабрика
-
Македонската економија со најголем раст во последните 2 години
-
Сериозна должничка криза во здравствениот сектор