Македонците во Србија против преименување на белградската улица „Гоце Делчев“
Националниот совет на македонското национално малцинство во Србија денеска побара да се отфрли иницијативата за преименување на улицата „Гоце Делчев“ во Нов Белград.
Во соопштението на Советот се посочува дека белградската улица била именувана по Гоце Делчев по Втарата светска војна „во знак на пријателство меѓу македонскиот и српскиот народ и како израз на почитување на македонската национална заедница што живее во Белград“.
Како што јави Танјуг, Советот наведува дека тврдењата оти Гоце Делчев водел „нагласена антисрпска политика“ се невистинити, потсетувајќи на неговата максима: „Јас го разбирам светот како поле за културен натпревар меѓу народите“.
Реакцијата на Советот следи по најавата на градскиот менаџер на Белград, Горан Весиќ дека на дневен ред на следната седница на белградското Градско собрание ќе се најде и иницијативата за преименување на улицата „Гоце Делчев“ во „Маршал Фјодор Толбухин“, кој командувал со советските сили кои учествувале во ослободувањето на Белград во 1944 година.
- Одлуката за промена на името на улицата „Гоце Делчев“ е природна, бидејќи Делчев како осоновач, лидер и идеолог на Македонската револуционерна организација од 1893 година, со ништо не ја задолжил Србија, а ниту Белград, изјави Весиќ.
Ново на Сител
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп
-
Штипскиот Економски факултет го одбележа денот на македонскиот денар
-
Националното биро за осигурување: Цената на авто осигурувањето е непроменета од 2008 година, реално е покачувањето
-
Се одржа Меѓународниот натпревар за сирени во Шангај | ВИДЕО
-
ВИ: „Мона Лиза“ рапува
-
УКИМ донесе Одлука за основање Фондација „Горан Стефановски“
-
Кари ја освои наградата „Џери Вест“