„Мајкрософт“ ќе го укине „ВСА“
„Мајкрософт“ во октомври 2021 година го претстави „Виндоус потсистемот за Андроид“ (ВСА), функција којашто му дозволуваше на „Виндоус 11“ да управува со апликации наменети за „Гугл андроид“. Сепак, крајот на сè тоа ќе се случи следната година.
„Мајкрософт“ на својата страница објави дека „ВСА“ ја прекинува поддршката на 5 март 2025 година. Корисниците дотогаш може да инсталираат и користат апликации (од „Амазон ап стор“). Што точно ќе се случи во март 2025. – не е познато.
Во секој случај, нема информации за промени на „Фон линк“, така што корисниците, се чини, сепак ќе можат да користат „Андроид“ апликации од „Виндоус“ оперативниот систем и на други начини, велат познавачите. Разликата би била во тоа што тие ќе си работат на мобилниот телефон и ќе може да го пренесуваат тоа на екранот на компјутерот. Се истакнува оти само одредени паметни телефони и брендови ќе ја поддржуваат оваа функција.
„Гугл“ исто така има свој начин на користење на софтверот за „Андроид“ на компјутер, а тоа е „Гугл плеј гејмс“. Иако првично е наменет за преземање игри, фората е во тоа што не постои суштинска разлика меѓу апликациите и игрите. Исто така, постојат апликации од трети страни коишто работат со софтверот за „Андроид“ на „Виндоус“ и „Линукс“.
Ново на Сител
-
Претседателката Сиљановска Давкова ќе ги прими поглаварите и претставниците на верските заедници
-
Најмногу дожд наврнал во Крива Паланка, најстудено утрово во Крушево
-
Неексплодирани убојни средства од Првата светска војна пронајдени во прилепскиот регион
-
Екстрадиран Љупчо Палевски Палчо, пренесен во Истражниот затвор во Шутка
-
Претставници на Западен Балкан, ЕУ и САД во Котор ќе разговараат за планот за раст на регионот
-
Премиерот Фицо е во свесна состојба
-
Заседание на Воениот комитет на НАТО на ниво на началници на генералштабови
-
Втор ден Самит „Македонија 2025“ со панели за справување со корупцијата, странски инвестиции, дигитализација