-->
-->
ЛШ: Барселона тешко до победата против Вардар
-->
Ракометарите на Вардар го запишаа вториот пораз во Лигата на шампионите. Синоќа во „Блауграна“ Барселона со 31:30 го совлада Вардар кој се покажа како многу сериозен противник и докажа дека оваа сезона има квалитет за највисок пласман во елитното натпреварување.
Домаќините почнаа силно и веќе во 6.минута поведоа со 5:1. Тренерот на Вардар Раул Гонзалес побара тајм-аут по што следуваше подобра игра на „црвено-црните“ и доближување на минус еден (8:7) во 13.минута. Каталонците уште една стигнаа до четири голви предност (13:9) за на полувреме да се отиде со 16:13.
Вторите 30 минути македонскиот првак ги почна со серија од 4:0 дојде до првото водство 17:16. Следуваше период на изедначена игра со наизменичи реализации. Така беше до 50.минута кога каталонскиот тим ја врати предноста од полувремето (25:22). Вардарци не се предаваа и во 56.минута намалија на 28:27,но не успеаја да направат пресврт.
Најефикасен во составот на Вардар беше Сергеј Горбок со девет голови. Кај Барселона се истакна Жалуз со 13. Кирил Лазаров само еднаш од осум обиди се запиша во листата на стрелците.
По оваа рунда Барселона се искачи на првото место на табелата во Б-групата со 11 бодови, Вардар падна на второто место со 10.
Овие две екипи по седум дена ќе играат во Скопје. На вториот натпревар од групата ПИК Сегед го победи Кристијанштад 35:28.
Денеска играат Монпеље - РНЛ и Колдинг - Киелце.
-->
-->
-->
Ново на Сител
-
Внатрепартиски избори за претседател на СДСМ – тројца кандидати
-
Тема на денот со Златко Перински, министер за локална самоуправа
-
Внатрепартиски избори за претседател на СДСМ – тројца кандидати
-
Дигитална трансформација на јавните комунални претпријатија
-
Внатрепартиски избори за претседател на СДСМ – тројца кандидати
-
Агелер: Нема репреговарање на Договорот од Преспа и напредокот кон ЕУ
-
Детектор: Македонските граѓани сакаат членство во ЕУ, но не по цена на Бугари во Уставот
-
Бугарија задоволна од пописот во Албанија, Грција бара почитување на малцинствата