Локализиран пожар на отворено во тетовски Дреновец, спреченo оган да се доближи до куќите
Тетовските пожарникари попладнево изгаснаа пожар на отворено во населбата Дреновец, при што е спречено огнот да се доближи до куќите во овој ридест дел од градот. Пожарната била повикана околу 16 часот.
-Огнот се појавил поради тоа што биле запалени стрништа, сува вегетација при чистење на земјоделска површина. Огнот им излегол од контрола, но по пријавување во пожарната успеавме да го локализираме, изјави Ука Алити, командант на Тетовската пожарна.
Тој посочи дека периодов постојано интервенираат на вакви пожари кои се предизвикуваат од земјоделци и луѓе кои имаат земјишни имоти што пролетва се обидуваат да ги исчитат од сувата вегетација со нејзино палење. Само денеска имаше неколу вакви пожари на отворено кои излегле од контрола.
-Пожарната е со ограничени ресурси и ако вака продолжат со несовени постапки ќе се дојде до непосакувани ситуации каде и животи и имоти ќе бидат засегнати,а ние не ќе имаме време да дојдеме на време да спречиме поголем пожар. Како да се попусти нашите апели да не се палат огнови сега на нивите, рече Алити.
Пред три дена тетовските пожарникари изгаснаа шумски пожар кој беше предизвикан од намерно запалени автомобилски гуми. И Секторот за внатрешни работи Тетово постојано апелира да не се палат вакви огнови. Затворските казни за намерно предизвикување пожар се движат од три до осум години.
Ново на Сител
-
Приведено лице од Кавадарци, возел пијан - а имал забрана за управување возило
-
Ѓоковиќ за проблемот со очите во финалето во Мајами: Не сакам ова да звучи како изговор
-
Во Србија треба да почнат консултации за формирање влада
-
Трамп: Американските царини ќе ги опфатат сите земји
-
До петок повремени врнежи
-
Приведено лице, возело 173 километри на час на автопатот Гостивар - Тетово
-
Приведен бегалец од затвор, вратен е во КПУ Идризово
-
ДУИ: Зошто владата ја крие вистината за врските на агенцијата „Рубикон“?