Лилард надвор од терените на неодредено време
Кошаркарот на Милвоки Бакс, Демиен Лилард, најверојатно ќе биде надвор од терените на неодредено време, откако НБА тимот објави дека 34-годишниот бек има длабока венска тромбоза (згрутчување на крвта) на десната потколеница и зема лекови за разредување на крвта, пренесуваат американските медиуми.
Бакс обезбедија ажурирање за состојбата на Лилард без да дадат датум за неговото потенцијално враќање. Лилард ги пропушти последните три натпревари на Милвоки.
- Здравјето на Демиен е наш приоритет број еден. Ќе го поддржиме додека минува низ овој процес за да се осигураме дека е безбедно да се врати во игра. Лекарите укажаа дека е многу малку веројатно ситуацијата да се повтори. Благодарни сме што ова беше идентификувано и брзо третирано, што му помага на Демиен да закрепне, се вели во соопштението на генералниот менаџер на НБА тимот Џон Хорст.
Бакс посочија и дека лековите ја стабилизирале тромбозата, а Лилард ќе продолжи со редовните тестови.
Оваа сезона Демијан Лилард го освои својот деветти настап на Ол-стар. Моментално е на десеттото место по асистенции (просек 7,1) во НБА и е 11-ти по реализирани поени (просек 24,9).
Ново на Сител
-
Николоски: Очекувам во брзо време инвестиции од Обединатите Арапски Емирати во Македонија
-
Се уште трае блокадата на РТС во Белград
-
Продолжува сведочењето на Палчо
-
Денеска е Велика Среда
-
Посебен сообраќаен режим во Скопје поради одржување на фудбалскиот натпревар Вардар-Црвена ѕвезда
-
Во Собранието ќе заседаваат пет комисии
-
Зеленски: Само украинскиот народ ќе носи одлуки за територијата на Украина
-
Трамп размислува за нови царини за увоз на минерали поради зависноста на САД од Кина