Лидерот на најголемата опозициска партија во Турција побара предвремени избори
Лидерот на најголемата опозициска партија во Турција денеска побара одржување предвремени претседателски избори „најдоцна во ноември“, по десетдневните протести поради апсењето на градоначалникот на Истанбул.
„Ќе дојдете и ќе се соочите со нашиот кандидат најдоцна во ноември. Ова е предизвик за вас“, рече лидерот на опозициската Републиканска народна партија (ЦХП) Озгур Озел, обраќајќи му се на турскиот претседател Реџеп Таип Ердоган, за време на вонредниот конгрес на партијата во Анкара.
Озел побара изборите да се одржат во јуни или ноември.
Поддржувачите на таа опозициска партија организираа големи демонстрации на кои присуствуваа десетици илјади луѓе во Истанбул и во други градови во Турција, по апсењето на опозицискиот градоначалник на Истанбул Екрем Имамоглу на 19 март.
Имамоглу, член на ЦХП, во меѓувреме беше номиниран за кандидат на партијата за следните претседателски избори.
ЦХП беше првата политичка сила на локалните избори во март 2024 година со 37,8 отсто од гласовите на национално ниво. Партијата победи во Истанбул и Анкара, каде што е на власт од 2019 година, а дотогаш на власт беше Партијата на правдата и развојот (АКП) на Ердоган.
Ново на Сител
-
Истрага за две грабнувања во Тетово, едната жртва било дете
-
Министерот Муцунски го пречека претседателот на Република Хрватска, Зоран Милановиќ
-
Тошковски: Безбедноста е темел на секое здраво општество
-
Фон дер лајен: Лош мировен договор за Украина ќе донесе поголема нестабилност и несигурност
-
Мицкоски со порака до полициските службеници: Вашата мисија е света – да го чувате поредокот
-
Во Крушево најмногу дожд, денеска нестабилно со локален пороен дожд и грмежи
-
ПСЖ или Арсенал, Интер го чека противникот во финалето во Лигата на шампионите
-
САД со рекорден трговски дефицит во март