ЛЕ: Работнички одигра нерешено со Будуќност (1-1)

Фудбалерите на Работнички може да жалат што не ја совладаа црногорската екипа Будуќност во првиот натпревар од 1.коло од квалификациите од Лига Европа. Попладнево на Националната Арената „Филип Втори“ во Скопје, фудбалерите на Работнички пропуштија бројни шанси за победа, па на крајот мораа да се задоволат со нерешен резултат 1:1 во дуелот против Будуќност.

 

Првото полувреме го добија гостите од Подгорица, кои поведоа во 36.минута со голот на 19-годишниот Велизар Јанкетиќ. Во вториот дел „романтичарите’’ имаа повеќе од играта. Во два наврати гредата беше сојузник на гостите, за конечно во 80. минута по акцијата на Херера, преку Елиф Елмас, Работнички успеа да стигне до израмнување 1:1.

 

Реванш натпревар во Подгорица ќе се игра следниот четврток од 21 часот.

 

Другите два претставници на Македонија во ова натпреварување, Шкендија и Силекс своите први дуели ќе ги играат во четврток.

 

Силекс кој по долго време повторно повторно ќе игра на европската сцена, гостува во Лихтенштајн, кај Вадуц. Овој натпревар ќе почне до 19 часот.

 

Тетовчани во Скопје, ја пречекуваат екипата на Краковија од Краков, во мечот кој ќе стартува од 21 часот.