Кумановскиот театар се приклучува на хуманитарната акција за помош на Сара Настеска од Охрид
Кумановскиот театар се приклучува на хуманитарната акција за помош на 15 годишната Сара Настеска од Охрид на која и е неопходна трансплантација на коскената срж. Надлежните од театарот, соопштија установата, одлучила приходот од влезниците за претставата „Мани мани мани” да го уплати на сметката за помош на семејството Настески од Охрид.
–Ги покануваме кумановци да присуствуваат во вторник на претставата. Собраните средства ќе бидат донирани за Сара од Охрид. Театар Куманово сочувствува со семејството Настески и апелира секој кој има можност во зависност од условите да се вклучи во оваа донаторска акција, со цел да се обезбедат потребните средства за лекување на младата Сара Настеска, изјави продуцентот во кумановскиот театар, Симона Тоскиќ.
Претставата е работена според текстот на Реј Куни и е на редовниот репертоар на кумановскиот театар е на 30 октомври (вторник) во 20:00 часот. Претставата ја режираат Бојана Краљевска и Горан Илиќ. Во комедијата настапуваарседум актери од кумановскиот театар, Марко Трајковиќ, Сања Русеска, Владо Дојчиновски, Дубравка Киселички, Нина Максимова, Јасмина Василева и Мирослав Петковиќ.
Ново на Сител
-
Во Германија една четвртина од вработените сè уште работат од дома
-
Тошковски: Справувањето со илегалната миграција и останатите форми на прекуграничен криминал се еден од нашите главни приоритети
-
Мицкоски: Граѓаните да бидат спокојни зголемување на цената на електричната енергија нема да има
-
Повредени тројца од екипата на Итна помош откако беа заглавени во лифт во Кисела Вода што паднал во подрум
-
За пет месеци фреквенцијата на патници на ГП „Блато" зголемена за 14 отсто
-
Николоски бара Обвинителството да го испита работењето на ЈП за државни патишта и ЖРСМ Инфраструктура
-
Приведен скопјанец кој уценувал девојка
-
До март најверојатно ќе се реализираат две линеарни зголемувања на пензиите, најави Мицкоски