-->
-->
Куманово се откажа од БИБЛ лигата
-->
Екипата на Куманово повеќе нема да се натпреварува во регионалната Балканска кошаркарска лига (БИБЛ).
Кумановци преку соопштение информираа дека откажувањето на настапот во БИБЛ лигата е поради намалената финансиска поддршка од општината.
Воедно од клубот најавуваат дека целосно ќе се насочат кон настап во Првата македонска лига.
Во продолжение ви го пренесуваме соопштение на кумановци.
„Ве информираме дека КК Куманово нема да продолжи да се натпреварува во Балканската БИБЛ лига од оправдани причини. Поради намалување на финансиската поддршка од страна на Општина Куманово, клубот не е во можност да ги подмири тековните трошоци за натпреварување во оваа лига, за што искрено жалиме.
Како ново раководство, сакаме реално да ја согледаме финансиската состојба во клубот која не е на завидно ниво, но мораме да ги определиме и приоритетите за делување во наредниот период. Согласно со тоа, прв приоритет ни се редовните обврски кон постоечкиот играчки кадар, како и кон Македонската кошаркарска Федерација, како и други субјекти поврзани со патувања, сместување и др.
Со оваа одлука создаваме услови за целосно посветување на натпреварувањето во Првата македонска лига, во кое амбициите ни остануваат исти, а тоа е пласман во Супер лигата, но со напомена дека ќе се даде акцент на млади домашни играчи кои ќе бидат база за наредните сезони.
Во секојдневни преговори сме со потенцијални спонзори кои се подготвени да помогнат во подобрувањето на финансиската состојба. Исто така, работиме и на изготвување на четиригодишен план за спортски и финансиски развој на клубот.
Ја замолуваме нашата верна публика да го разбере овој тежок момент и да ни даде поддршка во наредниот период да излеземе посилни од оваа ситуација и да се вратиме на победничките патеки заедно“, се вели во соопштението на КК Куманово.
Инаку Куманово минатата година играше во финалето на оваа лига, во која единствен македонски претставник останува екипата на Блокотехна од Гевгелија.
-->
-->
-->
Ново на Сител
-
100 дена Влада - Интеграција во ЕУ и подобрување на животниот стандард
-
Опозицијата за 100 дена Влада: Скандали, изговори и неисполнети ветувања
-
Пензионерите ги добија пензиите зголемени за 2.500 денари
-
Со средба во Прилеп пензионерите од повеќе градови од Македонија го одбележаа покачување на пензиите
-
Бизнисот разочаран, Синдикатот воздржан од 100-те дена нова Влада
-
Бактерија Стафилокока најдена во “бомбиците” кои ги јаделе децата од ОУ “Ѓорѓија Пулевски“
-
ДСЗИ не најде пропусти во вонредниот надзор во кумановската болница каде почина родилката
-
Со месеци не плаќале патарина, полицајци и вработени во Државни патишта кривично ќе одговараат