-->
-->
Куманово го одбележа 11 Октомври
-->
Куманово со низа манифестации и свечености одбележува 74 години од почетокот на антифашистичкото востание и народноослободителната војна. Бројни делегации предводени од Сојузот на борците, од општина Куманово, од кабинетот на претседателот на Ррпублика Македонија, Собранието, Владата, АРМ, МВР, Советот на општината, како и установи и институции кои го носат името 11 Октомври, политички партии, граѓански здруженија положија свежо цвеќе на Спомен Костурницата во градот.
Со свеченост беше одбележан Денот на востанието и Денот на Борецот, симбол на македонската борба за слобода.
Градоначалникот на општина Куманово Зоран Дамјановски рече дека секој народ во својата историја има незаобиколни меѓници без кои не е можно да се создаде неговата иднина. - Еден од нив е исторскиот настан што се случи пред 74 години на овој ден. На 11 Октомври излегоа двата кумановски партизански одреди, карадачкиот и козјачкиот, со кои беше запален факелот на слободарската борба, рече во говорот Дамјановски и потесети на претходните настани од историјата на македонскиот народ.
Дамјановски подсети за жртвите дадени за денешната слобода. - Нивните имиња се вмрежани во мермерните плочи на овој споменик. Тие се тука како вечен спомен на кумановскиот и македонскиот непокор. Сведочат за славно и тешко време, но секогаш влеваат силна верба кај новите генерации во нашиот првоборечки град и се показател како кога ќе затреба се брани својата татковина, својот народ, како се бори за слободата, рече Дамјановски.
Тој истакна дека наша заложба е да се сочува плодот од нивната борба, мирот и стабилноста, слободата, стремежот за подобро утре.
На свеченоста беа присутни и Спиро Зафировски и Царевка Виличиќ, од Здружението на борците кои раскажаа за нивните почетоци при учеството во НОБ.
Општина Куманово овој ден го одбележува со културни и спортски манифестации.
-->
-->
-->
Ново на Сител
-
Со 250 милиони евра годишно ќе се развиваат општините
-
Жителите на Оревоец судски и со блокади против ископ на материјал од страна на Бехтел и Енка
-
Велосипедистите бараат патека за поврзување на Охрид - Струга
-
Преглед на вестите од светот
-
Teма на денот со Панди Јани, претседател на партијата на слободата за Мала Преспа
-
Сител во Пустец: Како Бугарите станаа побројни од Македонците во Албанија
-
Јавните комунални претпријатија се превработени, но со несоодветен кадар
-
Сител во Пустец: Како Бугарите станаа побројни од Македонците во Албанија