КСС решава дали ќе продолжи со најавените протести
Конфедерацијата на слободни синдикати (КСС) го прекина за денеска најавениот протест во центарот на Скопје, поради, како што тврди, притисоци врз членството, по што доцна попладнево одржува состанок на раководството на кој одлучува дали од утре ќе продолжи со најавените протести.
КСС претходно најави дека од денеска ќе организира секојдневни протести во периодот од 16 до 17 часот пред Собранието и Владата, барајќи усогласување на платите во јавниот сектор со минималната плата.
Синдикатот бара зголемува на бодот на 103 денари во бруто износ со што најниската плата во јавниот сектор би била околу 18.200 денари и би се задржал распонот меѓу останатите плати. Не се согласуваат со Предлог-измените на Законот за административни службеници со кој, според нив, зголемувањето на платите би било од 100 до 200 денари.
Претседателот на КСС Благоја Ралповски во изјава за МИА рече дека засега немаат најава за средба во Владата.
– Остануваме на нашите барања. Секојдневно ќе протестираме. Членството е крајно разочарано и се чувствува изманипулирано. Решението е многу едноставно, а тоа е членот 88 од Законот за административни службеници кој вели дека Владата го покачува бодот, вели Ралповски.
Според КСС, со овој проблем се засегнати околу 100 илјади работници во државата.
Ново на Сител
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп
-
Штипскиот Економски факултет го одбележа денот на македонскиот денар
-
Националното биро за осигурување: Цената на авто осигурувањето е непроменета од 2008 година, реално е покачувањето
-
Се одржа Меѓународниот натпревар за сирени во Шангај | ВИДЕО