Крушево се подготвува за големиот Илинден и за бројни манифестации
Во Крушево во ек се последните подготовки за големиот празник Илинден и за манифестацијата Научно-културни средби „Десет дена Крушевска Република“. Интензивно се чисти на Мечкин Камен каде ќе биде и централното чествување на 2 Август.
Јавното комунално претпријатие „Комуна“ е ажурно: работеше на уредување на улиците во градот. Како што објаснува крушевскиот градоначалник Томе Христоски, деновиве се очекува да се уредедат и ичистат магистралните и регионалните патишта кои водат до Крушево.
-Работевме на поголемите улици во градот и на „Гумење“ и привршуваме на Мечкин Камен. Наредниве денови очекуваме да се уредуваат магистралните и регионалните патишта за подобар пречек на гостите и посетителите кои доаѓаат во Крушево за големиот празник. Нѐ очекуваат многу настани и мора да бидеме подготвени за пречек на илјадници туристи во текот на цел август, изјави Христоски.
Во Крушево, во моментов се одржува меѓународното првенство во параглајдерство „Флајмастер опен“, на 26 и 27 јули е манифестацијата „Крушево будно“, од 26 до 28 јули ќе се одржуваат „Меѓународни денови на влашкиот народ“, а од први до 10 август се Научно-културните средби „Десет дена Крушевска Република“. Од 5 август почнува светското првенство во параглајдерство. Сиет манифестации се очекува да донесат голем број туристи и посетители.
Ново на Сител
-
Тепачка помеѓу 6 лица во Ѓорче Петров, употребувани тврди предмети и оштетени две возила
-
Кривична за двајца полициски службеници, дозволиле да застарат 14 дела за тешки кражби
-
Мицкоски: Имаме организиран пристап и ќе продолжиме да помагаме на семејствата на настраданите во кочанската дискотека
-
Го оштетиле буџетот за 2,2 милијарди денари, поднесени обвиненија за „Онкологија“
-
Мицкоски за дивоградбата во Чаир: Градоначалничката на Град Скопје има ингеренции и треба да постапува
-
Лишен од слобода крадец во Куманово, одземеното е пронајдено
-
Во Франција за четири дена уапсени 55 педофили
-
Просечната нето плата во март 44.763 денари