Кремљ призна грешки при мобилизацијата, засега нема план за затворање на границите
Кремљ денеска призна дека биле направени „грешки“ при мобилизацијата на стотици илјади резервисти за борба во Украина, нагласувајќи дека во оваа фаза „не е донесена одлука“ за затворање на границите.
„Има случаи кога е прекршен декретот“, рече портпаролот на Кремљ, Дмитриј Песков во врска со декретот за делумна мобилизација што го објави рускиот претседател Владимир Путин на 21 септември за зголемување на бројот на војници во војната во Украина.
Тој изрази надеж дека „грешките ќе бидат поправени“.
Властите соопштија дека мобилизацијата на 300.000 резервисти се однесува само на лица кои имаат воено искуство или потребни вештини, но евидентирани се и бројни случаи на мобилизација на стари, болни или неискусни лица, како и студенти.
Откако минатата недела беше најавена мобилизацијата, беа организирани демонстрации на кои беа уапсени неколку илјади луѓе.
Голем број Руси решија да ја напуштат земјата, со оглед на зголемениот прилив на границите со Грузија, Казахстан, Финска и Монголија.
Големиот прилив предизвика стравувања дека Русија ќе им забрани на мажите во борбена возраст да ја напуштат земјата.
Песков рече дека властите „не донеле одлука“ во оваа фаза да ги затворат границите за таа категорија граѓани.
Русија се подготвува да припои четири украински региони каде утре завршуваат референдумите за припојување кон Москва. Референдумите ги осудија Украина и Западот и најавија дека нема да ги признаат нивните резултати.
Ново на Сител
-
Тешко повреден 74 годишен велосипедист во сообраќајна несреќа во Охрид
-
Значаен пад на цените на нафтата минатата недела
-
Триесет и три години од загинувањето на Сашко Гешовски од Кавадарци, прва жртва при распадот на Југославија
-
Утре посебен режим на сообраќај во Скопје поради Денот на полицијата
-
Еден потешко повреден во експлозија во зграда во Турција
-
Галески: Сигурно е само дека Македонија ќе биде повторно твоја
-
Скопјанец и двајца штипјани нападнати во угостителски објект во Кавадарци
-
Приведено лице од Долни Дисан поради бегство од затворот во Куманово