Крај на една убава фудбалска кариера!

Натпреварот од последното прволигашко коло  против Силекс, беше последен во дресот на Вардар за нашите двајца играчи Влатко Грозданоски и Благоја Љамчевски.

 

Грозданоски се збогува со Вардаровиот дрес со 144 настапи на официјални натпревари, и постигна 12 голови.. Тој го носеше дресот на Вардар во сезоната 2003/2004, а после интернационалната кариера, повторно го облекува Вардаровиот дрес во сезоната 2011/2012. Од 2013 година повторно е дел од нашиот тим се до денешниот ден. Освои три шампионски пехари со нашиот тим.

 

Благоја Љамчевски во Вардар дојде во летниот преоден рок 2014 година, и мина три сезони во Вардаровиот тим, во кои што освои исто толку титули. Љамчевски забележа 66 официјални настапи во дресот на Вардар, постигнувајќи три голови. 

 

Фудбалскиот клуб Вардар им се заблагодарува на двајцата играчи за својот придонес во дресот на Вардар им посакува успеси во иднина.