Ковачевски ги пречека Борел и Вархеји: Европска поддршка за следниот исчекор во европските интеграции
Премиерот Димитар Ковачевски денеска во Скопје ги пречека и имаше средба со високиот претставик на ЕУ за надворешни работи и безбедносна политика и потпретседател на Европската комисија, Жозеп Борел и комесарот за соседска политика и проширување, Оливер Вархеји, на која било разговарано за важноста од следниот исчекор на Република Северна Македонија во европските интеграции, како прашање од значење за перспективите на нашата држава и за стабилноста на регионот и на Европа.
Ковачевски, како што информираат од владината прес-служба, се заблагодарил на високите европски претставници, за нивниот придонес, како и на европските партнери, за заедничкиот успех во отворањето на преговорите на Сeверна Македонија со Унијата, лани во јули.
Владата на Република Северна Македонија, како што нагласи премиерот Ковачевски, е фокусирана на европската агенда, работи на имплементацијата на реформите, на унапредувањето на соседските односи во духот на европските вредности и е посветена на успех и во следниот исчекор во евроинтеграциите.
Средбата на премиерот со европските преставници се реализираше пред почетокот на Шеснаесеттиот состанок на Советот за стабилизација и асоцијација помеѓу Република Северна Македонија и Европската Унија, што ќе се одржи денеска во Скопје, на којшто претседавач ќе биде претседателот на Владата, Димитар Ковачевски, а ко-претседавач од страната на Европската Унија, високиот претставик на ЕУ за надворешни работи и безбедносна политика и потпретседател на Европската комисија, Борел, а ќе присуствува и комесарот за соседска политика и проширување, Вархеји.
Ново на Сител
-
Пронајдени стари неексплодирани убојни средства гевгелиско, во близина на границата со Грција
-
Најсвежо утро во Лазарополе, најтопло во Дојран и во Гевгелија
-
Девет пожари на отворено изминатите 24 часа
-
Собранието ќе ја одржи 9. седница
-
Министерот Муцунски на НАТО работен појадок
-
Бајден повтори дека нема намера да се повлече од претседателската трка
-
Реална шанса за постигнување договор за ослободување на заложниците, тврди израелски преговарач
-
Лабуристите победија на изборите во Велика Британија - Кир Стармер ќе биде новиот премиер