Коснет: Американските војници не гинеле за да се создаде Голема Албанија
Амбасадорот на САД во Косово, Филип Коснет порача дека „американските војници не се бореле – а некои од нив и загинале – за да се создаде Голема Србија и Голема Албанија на Балканот, јави дописникот на МИА од Приштина.
Изјавата на Коснет во интервју за приштинскиот портал „Газета Блиц“ уследи по најавата на лидерот на Алијансата за иднинат на Косово (ААК) и кандидат на таа партија за претседател на државата, Рамуш Харадинај, дека ќе оргнизира референдум за обединување со Албанија доколку Европската Унија не го смени односот кон Косово, пред се кога е во прашање либерализацијата на визниот режим за косовските граѓани.
Американскиот амбасадор вели дека би му било „криво доколку Косовците се откажат од државноста на Косово“.
– Мојот коментар за обединувањето (на Косово) со Албанија останува непроменет. Американските војници не се бореле – а некои од нив и загинале – за да се создаде Голема Србија и Голема Албанија на Балканот. Би го насочил вниманието на Уставот, кој повикува на мултиетничко општество со верски слободи за сите… Мислам дека Косово има корист од тоа што е мултиетничко и мултиконфесионално општество и разговорите за Голема Албанија, разговорите за Голема Србија на Балканот би претставувале предавање, би претставувале пораз и сметам дека тоа не е одговорот за проблемите на земјата и на регионот – порача Коснет.
Ново на Сител
-
Ќе се прегласува во Желино - ДИК прифати приговор на коалицијата ВРЕДИ
-
Тема на денот со Игор Александров, македонска заедница во Австралија
-
ДИК одлучува по 27 приговори на парламентарните избори поднесени од „ВРЕДИ“, ВМРО-ДПМНЕ, СДСМ и Левица
-
Странците уживаат во гастрономските приказни
-
ДИК одлучува по 28 приговори на парламентарните избори поднесени од ,,ВРЕДИ‘‘, ВМРО-ДПМНЕ, СДСМ и Левица
-
Силјановска Давкова: Македонија е мое лично право на самоопределување
-
Министрите контра експертите за заклетвата на Силјановска Давкова
-
Експертите предлагаат со закон да се обезбеди континуитет на веб страните на институциите