Копа Америка: Аргентина моќна-ги прегази САД!

Фудбалската репрезентација на Аргентина ќе игра во финалето на Копа Америка Сентенарио, откако во првото полуфинале ја декласира репрезентацијата домаќин, САД со 4-0.

 

Аргентинците предводени од Лионел Меси и Гонзало Игуаин немаа никакви проблеми за да го прегазата домаќинот на јубилејното 100-то издание на Копа Америка.

 

Серијата на голови ја отвори Лавеци по само 180 секунди игра, а половина час подоцна Меси зголеми на 2-0. Најдобриот играч во светот со овој гол стана најдобриот стрелец во историјата на националниот тим, тој со 55 гол за Аргентина на вечната листа зад себе го остави Габриел Батистута.

 

Судбината на Американците ја запечатати Игуаин со головите кои ги постигна во 50-та и 86-та минута.

 

Аргентина во финалето ќе игра против победникот од второто полуфинале во кое ќе се сретнат бранителот на титулата Чиле и Колумбија.