Конкурсот за млади поети и млади уметници продолжен до 26 октомври
Конкурсот за млади поети и млади уметници е продолжен до 26 овој месец наместо како што беше првично до 9 октомври.
Продолжувањето, како што денеска информира Агенцијата за млади и спорт, е поради промена на седиштето на Агенцијата.
Делата треба да се достават на новата адреса на Агенцијата за млади и спорт на улица Македонија бр.38, 1000 Скопје, со назнака за конкурсот „Млади поети“, односно за конкурсот „Млади уметници“, или лично во архивата на Агенцијата.
Едниот конкурс е наменет за млади визуелни уметници од 15 до 19 години и групи кои имаат авторски дела што ги исполнуваат утврдените критериуми за изложбата „Young art 2015“, која ќе биде поставена во Националната галерија на Македонија. Кандидатите за Конкурсот за млади поети, пак, треба да се на возраст од 15 до 29 години, да немаат објавено збирки поезија и да достават најмногу две поетски творби.
За дополнителни информации заинтересираните може да се обратат на електронската адреса: gordana@ams.gov.mk, или во просториите на Агенција за млади и спорт – Сектор млади, секој работен ден од 8.30 до 16.30 часот.
Ново на Сител
-
Македонските фудбалерки со бод од гостувањето во Летонија ја завршија Лигата на нации
-
Гостиварчанец ја нападнал својата вонбрачна сопруга со метален предмет, а потоа ја силувал
-
Уапсен прилепчанец, криумчарел 13 кг тутун и текстил
-
Од актерство се живее ако многу се трудиш | Антонио Ташковски | ПРОфесија | Sitel Podcast 096
-
Утре без вода Чаир, Топанско Поле, Автокоманда, Железара, Бутел и Визбегово
-
Возачот кој со автомобил удри во толпа навивачи на Ливерпул останува во притвор
-
Трамп: Кина не го почитува договорот за царините
-
Јаневска очекува државна матура без проблеми, упати пораки до учениците и до тестаторите