Коњановски: Во Битола ќе формираме кризен центар за деца и жени – жртви на семејно насилство
Гарантираме формирање кризен центар за деца и жени – жртви на семејно насилство и воспоставување СОС телефон за жртви од насилство, изјави кандидатот за градоначалник на Битола од ВМРО – ДПМНЕ,Тони Коњановски.
Тој најави дека социјалната заштита во Битола ќе се организира според применети практики и искуства од европските градови, а социјалните услуги ќе ги моделираме според егзистенцијалните потреби на секој поединец.
-Гарантираме воспоставување социјално покровителство – патронажа која ќе им доставува услуги на возрасните наши сограѓани во нивните домови, заедно и во силно партнерство со граѓанските организации. Како нова локална самоуправа ќе формираме Центар за работа со деца со попреченост, а на Битола и е неопходна и програма „Асистенти за независен живот“. Гарантираме субвенционирање при вработувањето жени од ризични и социјално ранливи категори, обезбедување услови за нормален живот, а новата локална самоуправа ќе биде вистинска поддршка за оваа категорија наши сограѓанки. Тоа им го должиме и мора да им помогнеме, посочи Коњановски.
ВМРО – ДПМНЕ и коалицијата, додаде Коњановски, ќе го стават во функција Економско – социјалниот совет, кој ќе биде наш вистински партнер во менувањето на социјалната структура во општина Битола.
Ново на Сител
-
Во Охрид денеска ќе гласаат 239, а во Дебрца 34 стари и изнемоштени лица
-
Денеска гласаат вкупно 505 изнемоштени и болни лица од Крива Паланка, Ранковце и Кратово
-
Тешка сообраќајка кај Влае – има повредени, едното возило преполовено
-
ЦУК: Два пожара на отворено, најавено минирање кај Бањица
-
Најмалку десет загинати во несреќа во Перу, автобус излетал од патот и се превртел
-
Пленковиќ тврди дека има повеќе од 76 пратеници за состав на влада
-
Најстудено утрово во Лазарополе
-
Болните, затворениците и лицата во старските домови први гласаат на двојните избори