Кој стрелаше врз погребната поворка, Пентагон демантира дека нападнале погреб во близина на Киркук
Авиони на меѓународната антитерористичка коалиција предводена од САД не извршиле напади врз погреб во ирачкиот град Дакук, 30 километри од Киркук, соопшти синоќа Пентагон.
Руското Министерство за одбрана вчера соопшти дека коалицијата предводена од САД е одговорна за нападот во петокот врз погреб во ирачкиот град Дакук при што загинале повеќе десетици луѓе.
- Судејќи според наводите на сведоците, пилотите на борбените авиони помислиле дека колоната луѓе на погребот се терористи. Загинаа десетици ирачки цивили, вклучително и жени и деца, истакна портпаролот на руското Министерство за одбрана, генерал Игор Конешенков.
Тој додаде дека руски извиднички авиони забележале два борбени авиони како извршуваат напади во Дакук, околу 30 километри јужно од Киркук.
- Според нашите податоци во тој реон нема борци на ИД, наведе Конешенков.
Тој истакна и дека таквите инциденти имаат карактеристики на воени злосторства и оти таквите напади станале секојдневна рутина на меѓународната коалиција.
Ново на Сител
-
Герасимовски: Поставивме 720 фотоволтаични панели на покривот на ООУ „Киро Глигоров“
-
Руско МНР: Најмалку 31 цивил е убиен во украинската офанзива врз рускиот Курски регион
-
Царината заплени облека, обувки, бижутерија, чанти, очила, рачни часовници, камагра, жилети, парфеми, техничка стока
-
Утре и во среда локални врнежи од дожд, потоа стабилно со пораст на температурите
-
Посебен режим на сообраќај во Скопје
-
ЕУ одвои уште над милијарда евра за справување со последиците од ланските поплави низ Европа
-
Познати најуспешните македонски компании за 2023 година во првите 10 категории на „Бизнис лидер“
-
Македонски државјанин фатен на граница откако предизвикал сообраќајка при обид да шверцува стока од Косово