Ќе се руши мостот кај Зрновци за да се изгради нов
Механизација на компанијата „Гранит-Фресине“ од денеска ги почна активностите за расчистување на теренот околу мостот на реката Брегалница кај Зрновци, за негово рушење и изградба на нов мост.
Се сечат дрвјата околу мостот, се отстранува железната ограда и дел од потпорните ѕидови. Мостот веќе е забранет за сообраќај, а жителите од и кон Зрновци поминуваат по новото алтернативно решение, кое е изградено со пропусти на реката Брегалница, на стотина метри јужно од мостот.
- По долги најави, денеска ги почнавме активностите за рушење на стариот мост на реката Брегалница, кој страдаше во поплавите минатата година во февруари. На негово место ќе биде изграден нов современ мост во должина од 100 метри и широчина од 8 метри, изјави градоначалникот на општина Зрновци Блаже Станков.
Финансиските средства за изградба на мостот од 45 милиони денари се обезбедени од ЕУ фондовите за санација на штети од поплавите, имплементирани преку УНДП.
Според Станков, мостот се очекува да биде завршен до средината на идната година.
За жителите од Зрновци и неколку населени места од оваа општина и понатаму важат алтернативните патни правци преку Виница, кон Кочани и преку Мородвис,Теранци и Облешево.
Ново на Сител
-
ОБСЕ: Утре ќе ги соопштиме заклучоците
-
Просечна излезност до 11 часот
-
Просечна излезност до 9 часот
-
ДИК: Гласаат болни и изнемоштени лица, затвореници и дијаспора
-
Изборна статистика
-
Масовна посетеност на струшката литија
-
Страотна сообраќајка кај скопско Влае - тројца повредени
-
ДИК: Гласаат болни и изнемоштени лица, затвореници и дијаспора