Ќе се гради мостот на Брегалница кај Зрновци
Мостот на река Брегалница кај Зрновци кој настрада од поплавите во февруари минатата година и кој беше затворен за сообраќај за лесни и тешки моторни возила, конечно ќе се гради, најави денеска градоначалникот на општина Зрновци Блаже Станков.
-Заврши тендерската постапка за избор на најповолен понудувач за изведба на работите на мостот. Тоа е градежната компанија „Гранит“ од Скопје, која деновиве треба да започне со подготвителните работи за изградба на мостот. За почеток ќе треба да биде поставен понтонски мост на река Брегалница, преку кој ќе се остварува сообраќајот од општина Зрновци кон Кочани и останатиот дел од државата, рече Станков на денешната прес-конференција.
Вкупната вредност на мостот изнесува 1,2 милиони евра, средства обезебдени од УНДП и ИПА програмата на Европските фондови. Мостот на река Брегалница кај Зрновци се очекува да биде готов за една година.
Изградбата на мостот, истакна Станков, ќе занчи надминување на проблемите на стотита ученици и над 200 жители кои учат и работат во Кочани и соседните градови.
- Заобиколниот пат пртеку Виница конечно ќе се заборави, а жителите на Зрновци и останатите населени места Мородвис и Видовиште ќе можат непречено да стигнуваат до одредената цел, потенцира Станков.
Ново на Сител
-
Врховниот судија Георгиев и членот на совет на обвинители Мемети осомничени за поткуп - Георгиев фатен на дело
-
Љупчо Палевски Палчо пред судија на претходна постапка за мерката притвор
-
Изборен молк - Утре ќе се прегласува во 5 и 6 ИЕ за два пратеника
-
ССМ пресмета: Месечно потребни се над 1,000 евра за да се преживее
-
Земјоделците од Иловица и Штука блокираа пат поради откупната цена на младиот компир од само 15 денари
-
Хируршките сали не работат со денови - Бесија Иљази од токсикологија забрани изјави за новинари
-
ССЗ против намерата за припојување на болницата во Лешок кон Клиничката во Тетово
-
Полиција и куп инспектори влегоа во забавниот парк во Карпош