Ќе продолжи изградбата и реконструкцијата на повеќе театри, предвидени 123 775 000 денари
Се предвидуваат активности за продолжување градежни работи за изградба на нов објект наменет за театар и библиотека во Тетово, изградба на објектот на НУ Турски театар – Скопје и изградбата на Стар театар во Струмица. Се продолжува и со реконструкција на објектот на театарот во Куманово, со реконструкција на објектот НУ Музеј на Македонија и почеток со реконструкција – санација и адаптација на објект на поранешно кино „Партизан“ во Битола при НУ Народен театар – Битола.
Како што информира владината прес-служба, овие активности се предвидуваат со Информацијата за содржината на Програмата за изградба на нови објекти и за реконструкција, санација и адаптација на постојните објекти што ги користат јавните установи во областа на културата за 2025 година, која денеска беше усвоена на 65 владина седница.
Се работи за 11 проектни активности, кои ќе се реализираат од Министерството за култура и туризам и националните установи од областа на културата, кои се носители на активностите.
Финансиските средства потребни за реализација на активностите од Програмата се предвидени во Буџетот на Министерство за култура и туризам за 2025 година во износ од 123 775 000 денари.
Ново на Сител
-
Две лица загинати откако со мотор удриле во бетонски столб во Скопје
-
Ѓоковиќ се пласира во финалето на турнирот во Женева
-
Украина и Русија ја почнаа најголемата размена на затвореници од почетокот на војната, разменети се 780 луѓе
-
Пратеничката Мимоза Муса ја напушти АА на Таравари
-
Силно невреме го зафати Белград, поплавени улици колапс на сообраќајот
-
Идниот гувернер ќе се избира на 28 мај
-
Косовски полицаец држел за врат српски матурант и го малтретирал во Косовска Митровица
-
Црвен крст: Досега собрани 156.542.967 денари за настраданите од пожарот во Кочани