Кина со протест до американскиот амбасадор во Пекинг заради воениот брод во Јужно Кинеско Море
Кина го повика американскиот амбасадор во Пекинг да му го изрази својот протест заради минувањето на бродот „УСС Ласен“ на американските военопоморски сили во близина на еден од вештачките острови во Јужно Кинеско Море, пренесува БТА..
Кинеското Министерство за надворешни работи на својот сајт денеска соопшти дека кинескиот заменик министер на надворешни работи Чан Есви на амбасадот Макс Бокес му соопштил дека САД презеле дејствија не земајќи ги предвид повеќекратните реакции на Кина и дека со тоа им се заканиле на кинескиот суверенитет и безбедност.
Повеќе детали од средбата не се соопштуваат, но Чан вчера изјави дека „провокативниот“ американски маневар, исто така, на ризик го изложи и личниот состав и инфраструктурата на посочениот остров.
„Кина е крајно незадоволна и решително се спротивставува на американските дејствија“, соопшти кинеското МНР.
Американскиот Стејт департмент одби да даде потврда за вчерашната средба, како и да искоментира што и да било за ова прашање, дополнија американските медиуми.
Ново на Сител
-
Лавров: Блискиот исток е на работ на голема регионална војна
-
Кина продолжува да ги намалува ограничувањата за странски инвестиции
-
Фон дер Лајен: Трансформациите треба да бидат фер и да обезбедат просперитет за сите во Европа
-
ДЗС располага само со еден функционален „Ер трактор“, но моментално нема потреба од дополнителни летала
-
Лишени од слобода деветмина дрвокрадци, поднесена кривична пријава
-
Се шетал со полн пиштол и уште 61 куршуми - Уапсен 19 годишник
-
СВР Скопје со засилени мерки за безбеден град Скопје
-
ВМРО-ДПМНЕ: Антикорупциска и ЈО да испитаат зошто Филипче како министер криел имот што го поседува