Кина: Регистриран прв смртен случај од Ковид-19 по шест месеци
Кина денеска соопшти дека е регистриран нов смртен случај од коронавирусот, прв во последните шест месеци.
Маж од Пекинг (87) починал од Ковид-19, покажуваат податоците на Државната здравствена комисија.
Претходниот смртен случај од оваа болест беше регистриран на 26 мај, така што бројот на починати од коронавирусот во Кина сега е 5.227 од почетокот на пандемијата во ноември 2019 година.
Кина денеска соопшти дека во претходните 24 часа се регистрирани 24.215 нови случаи на Ковид-19, од кои повеќето се асимптоматски.
Кина има висока стапка на вакцинација, и повеќе од 92 отсто од населението примиле најмалку една доза, но таа бројка е помала кај постарите лица, особено кај луѓето над 80 години, каде што процентот изнесува 65 отсто.
Здравствената комисија во Пекинг не даде информација за статусот на вакцинација на последниот починат.
Ново на Сител
-
Кац: Израел е решен да го победи Хамас во Газа, ќе дејствуваме како една тупаница
-
Пожарот во ловиштето „Јасен“ сè уште активен, одбраната на објектите на претпријатието продолжува и во текот на ноќта
-
ЕУ повика на прекин на „секоја ескалација на тензиите“ во Србија
-
Левит: САД имаат многу алатки за да помогнат во завршувањето на конфликтот во Украина
-
Трамп: Постојат 25 проценти веројатност состанокот во Енкориџ да не успее, Путин е подготвен на договор
-
ЦУК: Од вкупно 27 пожари на отворен простор, активни се шест
-
Студентите во блокада за вечерва најавија нови акции во повеќе српски градови
-
Поднесена пријава за лицето кое влечеше куче со возило