Киев ја обвини Германија дека го охрабрува Путин
Украинскиот министер за надворешни работи Дмитро Кулеба денеска ја обвини Германија дека го „охрабрува“ рускиот претседател Владимир Путин по одбивањето на Берлин да му достави оружје на Киев, кој стравува од руска инвазија.
Германија денеска соопшти дека во февруари ќе и достави полска болница на Украина и ја отфрли идејата за испраќање оружје.
– Денес единството на Запад кон Русија е поважно од кога било, напиша Кулеба на Твитер.
– Германските партнери треба да престанат да го поткопуваат единството со такви зборови и дела и да го охрабрат Владимир Путин да започне нов напад врз Украина, рече Кулеба.
Тој додаде дека Украина и е благодарна на Германија за веќе дадената поддршка, но оти сегашните изјави се разочарувачки.
Германија веќе и испорача респиратори на Украина, а тешко ранетите украински војници се лекуваат во германските болници, изјави денеска германската министерка за одбрана Кристин Ламбрехт во интервју за „Ди Велт“. Таа додаде дека испораката на оружје сега нема да придонесе за смирување на кризата.
Русија негира дека планира каков било напад, но за деескалација бара писмени гаранции за безбедност, вклучително и дека Украина нема да стане членка на НАТО.
Ново на Сител
-
Годишeн извештај: Обвинителствата во 2024 постапувале против вкупно 37.255 сторители на кривични дела
-
Претрес во Пробиштип, приведени две лица, пронајдени дрога и куршуми
-
Претседателката Сиљановска-Давкова учествува на Самитот на НАТО во Хаг
-
Исланд најбезбедна, Македонија 51-ва најбезбедна држава во светот
-
Комитетот за надворешни работи на ЕП го усвои извештајот на Извештајот на Вајц за земјава
-
Нова видеоигра „Титаник“, каде што треба да се избега од бродот | ВИДЕО
-
Седум медали за сите седум вина на „Монтеко“ на највлијателниот и најпрестижен вински натпревар во светот
-
Арагчи: Доколку Израел ја запре агресијата, Иран нема да одговори со напади